Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
बुधवार , श्रावण २८, २०८२
काठमाडौं । गुण्डा नाइके मिलन गुरुङ उर्फ चक्रे मिलनलाई अदालतले ३० हजार धरौटीमा रिहा गर्न आदेश गरेको छ ।
काठमाडौं जिल्ला अदालतका न्यायाधीश खिमानन्द भुसालको इजलासले चक्रेलाई ३० हजार धरौटीमा छाड्न आदेश गरेका हुन् ।
थुनछेक बहसपछि अदालतले सबैलाई धरौटीमा रिहा गर्न आदेश गरेको हो ।
साउन १५ गते राति काठमाडौंको महाराजगन्जस्थित साम्बाला होटल क्षेत्रमा ठूलो समूह भेला भई होहल्ला गरेको आरोपमा चक्रे मिलनसहित ४७ जनालाई पक्राउ गरिएको थियो ।
अदालतले गणेशबहादुर बोगटीलाई २० हजार, नीराजन पौडेललाई १० हजार, रोशन सुवेदीलाई १० हजार, राजेश खड्का ‘रोजेश’ लाई ३० हजार र सन्दीप केसीलाई १० हजार, राहुल खड्कासँग १० हजार, यामु पौडेलसँग १० हजार, सौरभ सुनारलाई १० हजार, डिल्लीराज कँडेललाई २० हजार र ऋतिक लामासँग २० हजार धरौटी मागिएको छ ।
त्यस्तै अन्य कसुरदारहरु चन्द्रदेव कार्की, जितबहादुर लामा, प्रकाश गोले, अमिर आलेमगर, उत्तम महर्जन, प्रनिश केटल, राजु परियार र सफल शाहीलाई जनही १० हजार धरौटी माग गरिएको छ ।
उनीहरुविरुद्ध अभद्र व्यवहारको कसुरमा १ वर्ष कैद र १० हजार जरिवाना सजाय गर्न सरकारी वकिल कार्यालयले काठमाडौं जिल्ला अदालतमा मुद्दा चलाइएको थियो ।
© 2026 All right reserved to onlinenepal.com
Design & Developed By
