काठमाडौं । क्रिप्टो करेन्सीका चार जना कारोबारीलाई प्रहरीले नियन्त्रणमा लिएको छ ।
पक्राउ पर्नेहरुमा बाराको महागढीमाई नगरपालिका–३ घर भएका २७ वर्षीय ओमप्रकाश जयसवाल, महागढीमाई–५ का २५ वर्षीय मनमोहन कुमार सिंह, भारत बिहारका ३३ वर्षीय विक्रम जयसवाल र बिहारकै ३३ वर्षीय मुन्ना जयसवाल छन् ।
उनीहरुले ६ करोड ६ लाख ६३ हजार ६८७ रुपैयाँ बराबरको अभौतिक मुद्राको कारोबार गरेको खुलेको जिल्ला प्रहरी परिसर काठमाडौंले जनाएको छ ।
उनीहरूलाई काठमाडौंको कालोपुलबाट पक्राउ गरिएको प्रहरीले जनाएको छ । त्यसैगरी १५ लाख ३३ हजार नगद समेत बरामद भएको छ ।