काठमाडौं । नेपालले साफ यू–१७ महिला च्याम्पियनसिपमा भुटानविरुद्ध जित हात पारेको छ ।
शुक्रबार भएको खेलमा नेपालले भुटानलाई २–१ ले पराजित गर्दै प्रतियोगितामा पहिलो जित दर्ता गरेको हो।
खेलको पहिलो हाफमा नेपाल १–० ले पछि परेपनि ५८औं मिनेटमा साहरा लिम्बूले बराबरी गोल फर्काइन् । त्यसपछि ७७औं मिनेटमा साहराले नै दोस्रो गोल गर्दै नेपाललाई २–१ को अग्रता दिलाइन् ।
यस जितसँगै नेपालले तीन अंक जोडेको छ। यसअघि पहिलो खेलमा नेपाल भारतसँग ७–० ले पराजित भएको थियो। । नेपालले आइतबार बंगलादेशसँग खेल्नेछ।