Jun 21 2026 | २०८३, आषाढ ७ गते
21 Jun 2026 | आइतवार, आषाढ ७ गते २०८३
आइतवार, आषाढ ७ गते २०८३
Jun 21 2026 | २०८३, आषाढ ७ गते
21 Jun 2026 | आइतवार, आषाढ ७ गते २०८३
मंगलवार , भाद्र २४, २०८२
काठमाडौँ । राष्ट्रिय स्वतन्त्र पार्टी (रास्वपा) सभापति रवि लामिछानेले जेनजी प्रदर्शनमा भएको सरकारी दमनलाई “नेपाली इतिहासकै सबैभन्दा कालो दिन” को संज्ञा दिएका छन् ।
सोमबार नख्खु कारागारबाट जारी गरेको सन्देशमा उनले आफू स्तब्ध र विक्षिप्त भएको उल्लेख गर्दै सरकारमाथि तीव्र आक्रोश प्रकट गरेका हुन् ।
लामिछानेले भने, “म स्तब्ध र विक्षिप्त भएको छु, यो नेपाली इतिहासको सबैभन्दा कालो दिन हो। जेनजी र सिंगो देशलाई मेरो अपिल छ, अब आततायीहरूलाई एक मिनेट पनि सत्तामा रहन दिनुहुन्न ।”
उनले आरोप लगाए अनुसार, भदौ २३ गतेको प्रदर्शनमा राज्य शक्तिले १९ भन्दा बढी विद्यार्थीको ज्यान लिएको र सयौँलाई घाइते बनाएको छ।
“यी आततायीहरूले अबोध बालबालिकालाई ताकि–ताकी गोली हानेर मारिदिए। यिनीहरू अयोग्य, भ्रष्ट मात्र होइन अत्यन्तै क्रुर पनि हुन्,” उनले भने।
लामिछानेले सरकारलाई अपराधी मानसिकताबाट जन्मिएको र भय देखाएर टिकेको ‘इतिहासकै कलंक’ भएको टिप्पणी गरे। उनले यस सरकारलाई अब कुनै हालतमा सत्तामा टिक्न नदिने जनताको जिम्मेवारी भएको बताए।
© 2026 All right reserved to onlinenepal.com
Design & Developed By
