काठमाडौं । धादिङ कारागारमा गोली लागेर एक कैदीबन्दीको मृत्यु भएको छ भने सातजना घाइते भएका छन् ।
प्रमुख जिल्ला अधिकारी विजयराज सुवेदीका अनुसार मृत्यु हुनेमा एक पुरुष रहेका छन् ।कैदीबन्दीहरूले बुधबार बिहानैदेखि कारागारमा आगजनी र ढुंगामुढा गरेका थिए ।
पटकपटक आगजनी र तोडफोडको प्रयास गरेपछि नेपाली सेना परिचालन गरिएको थियो । दिउँसो आगजनी गरेर भाग्ने प्रयास गरेपछि नेपाली सेनाले गोली चलाएको थियो ।
यस्तै देशभरका विभिन्न जेलहरुबाट करिब ७ हजार कैदीहरू भागेका छन् ।
विभिन्न अपराधमा कारागारमा पुगेकाहरू धमाधम बाहिर निस्किएपछि देशभर नै सुरक्षा थ्रेट बढेको छ ।