Jul 27 2026 | २०८३, श्रावण ११ गते
27 Jul 2026 | सोमवार, श्रावण ११ गते २०८३
सोमवार, श्रावण ११ गते २०८३
Jul 27 2026 | २०८३, श्रावण ११ गते
27 Jul 2026 | सोमवार, श्रावण ११ गते २०८३
सोमवार , श्रावण ११, २०८३
धनगढी । आत्मदाहको प्रयास गरेका कैलालीको धनगढी उपमहानगरपालिका–३ का एक युवकको मृत्यु भएको छ ।
आफ्नै शरीरमा पेट्रोल छर्केर आत्मदाहको प्रयास गरेका ज्योती चौधरीको उपचारका लागि काठमाडौं लैजाँदै गर्दा मृत्यु भएको हो ।
जिल्ला प्रहरी कार्यालय कैलालीका अनुसार ३५ वर्षीय ज्योती चौधरीले साउन ९ गते साँझ करिब ७ः३० बजे आफ्नै घरभित्र शरीरमा पेट्रोल छर्केर आगो लगाएका थिए ।
घटनालगत्तै आफन्तले उनलाई उद्धार गरी उपचारका लागि सेती प्रादेशिक अस्पताल, धनगढी पुर्याएका थिए ।
प्रहरीका अनुसार चौधरीको शरीरको करिब ६० प्रतिशत भाग जलेको थियो र उनको अवस्था अत्यन्त गम्भीर रहेको थियो ।
सेती प्रादेशिक अस्पतालमा प्रारम्भिक उपचारपछि उनलाई थप उपचारका लागि भेरी अस्पताल, नेपालगञ्ज रिफर गरिएको थियो । तर परिवारले उनलाई थप उपचारका लागि काठमाडौं लैजाने निर्णय गरेको थियो ।
उपचारका लागि काठमाडौं लैजाँदै गर्दा धादिङ पुगेपछि चौधरीको मृत्यु भएको जिल्ला प्रहरी कार्यालय कैलालीले जनाएको छ।
मृतकको शव घरमा ल्याइएको छ भने पोस्टमार्टमका लागि सेती प्रादेशिक अस्पताल, धनगढी पठाउने प्रक्रिया अघि बढाइएको प्रहरीले जनाएको छ। आत्मदाह प्रयास गर्नुको कारण भने हालसम्म खुल्न सकेको छैन।
© 2026 All right reserved to onlinenepal.com
Design & Developed By
