घरमा सुतिरहेका बेला चट्याङ लाग्दा बालिकाको मृत्यु, दुईजना घाइते

अनलाइन नेपाल

बिहिवार , आश्विन ९, २०८२

घरमा सुतिरहेका बेला चट्याङ लाग्दा बालिकाको मृत्यु, दुईजना घाइते

गुल्मी । गुल्मीको मदाने गाउँपालिकामा आज बिहान चट्याङ लागेर चार वर्षीया बालिकाको मृत्यु भएको छ ।

मदाने–५ झ्यानपानीका नेरसिंह विककी चार वर्षीया छोरी रियासा विकको चट्याङ लागेर घटनास्थलमै मृत्यु भएको जिल्ला प्रहरी कार्यालयका सूचना अधिकारी गङ्गाबहादुर सारूले जानकारी दिए ।

उनका अनुसार चट्याङका कारण विकका बुबा नेरसिंह र आमा सुन्तली विक घाइते भएका छन् ।

घरमा सुतिरहेको अवस्थामा परेको चट्याङ लागेर नेरसिंहको छाती र पेटमा नीलडाम लागेको छ भने श्रीमती सुन्तलीको पेट र दायाँ खुट्टामा चोट लागेको प्रहरीले जनाएको छ ।

घाइते दम्पतीलाई प्रारम्भिक उपचारका लागि स्थानीय स्वास्थ्य संस्थामा लगिएको जनाउँदै सारूले यहाँ उपचार हुन नसकेपछि थप उपचारका लागि जिल्ला अस्पताल प्युठान पठाइएको बताए ।

प्रतिक्रिया दिनुहोस्

नयाँ अपडेट

थप नयाँ अपडेट

घरमा सुतिरहेका बेला चट्याङ लाग्दा बालिकाको मृत्यु, दुईजना घाइते