तुइन खोलामा पुन: पहिरो, सडक दुईतर्फी अवरुद्ध

अनलाइन नेपाल

सोमवार , आश्विन १३, २०८२

काठमाडौं । मुग्लिन-नारायणगढ सडकखण्डको तुइन खोला पुल नजिकै पहिरो खसेर सडक पुनस् अवरुद्ध भएको छ ।

आज दिउसो १२ बजेदेखि सो स्थानमा दुईतर्फी आवागमन पूर्ण रुपमा बन्द भएको सडक डिभिजन कार्यालय भरतपुरले जनाएको छ ।

पहिरो झर्ने क्रम जारी रहेकाले रोकिएपछि मात्र डिभिजनबाट तैनाथ अवस्थामा रहेको उपकरणले तत्काल पहिरो हटाउन थालिने कार्यालयले उल्लेख गरेको छ।

गत बिहीबार यही ठाउँमा आएको पहिरो ४५ घण्टा लगाएर पन्छाएपछि दुईतर्फी आवतजावत सुचारु भए पनि आज पुनस् सो स्थानमा पहिरो झरेको हो।

यो सडक हुँदै दशैं मनाउन घर जानेहरू यसपटक तुइनखोलाको पहिरोका कारण अलपत्र परेका छन्।

सवारी साधनहरू अहिले मुग्लिन सडकअण्डमा लामबद्ध हुन थालेका छन् ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

२० दिने लामो बिदापछि आज अदालतमा हाजिर भइन् न्यायाधीश सपना प्रधान