Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार , आश्विन १३, २०८२
विराटनगर । सवारी परीक्षण कार्यालय, इटहरीका प्रमुख मेकानिकल इन्जिनियर रोशनकुमार देव र लेखापाल चन्द्रबहादुर बस्नेतलाई आर्थिक अनियमितताको आरोपमा जिम्मेवारीबाट हटाइएको छ ।
सेवाग्राहीसँग घूस माग्ने, दुःख हैरानी दिएको भन्दै उनीहरूविरुद्ध उजुरी परेपछि भौतिक पूर्वाधार तथा यातायात मन्त्रालयले आइतबार जिम्मेवारीबाट हटाएको हो ।
कार्यालय प्रमुख देव र लेखापाल बस्नेतको मिलेमतोमा राजश्वसमेत हिनामिना भएको आशंका गरिएको मन्त्रालय स्रोतले जनाएको छ ।
कार्यालयबाट दुई वा सोभन्दा बढी प्रदेश भई सञ्चालन हुने सार्वजनिक सवारी साधनको बाटो इजाजतपत्र जारी गर्ने, सवारी साधनको स्तर कायम गर्ने, जाँचपास गर्ने, प्रदूषण परीक्षणलगायतका काम हुँदै आएको छ ।
कार्यालयमा भइरहेको आर्थिक अनियमितता प्रमाणसहितको गुनासो सेवाग्राहीबाट भौतिक पूर्वाधार तथा यातायातमन्त्री कुलमान घिसिङसमक्ष गुनासो पुगेको थियो ।
त्यसलगत्तै मन्त्री घिसिङले तत्कालै दुवै जनालाई जिम्मवारीबाट हटाउन र छानबिन समिति गठन गर्न निर्देशन दिएका थिए।
मन्त्री घिसिङले उक्त कार्यालयमा भइरहेको अनियमितता र त्यसमा संलग्न कार्यालय प्रमुख, लेखापाल एवं अन्य कर्मचारीमाथि छानबिन गर्न भौतिक पूर्वाधार तथा यातायात मन्त्रालयका प्रशासन महाशाखा प्रमुख बलराम रिज्यालको संयोजकत्वमा ५ सदस्यीय समिति गठन गरिएको छ ।
छानबिन समितिलाई १० दिनभित्र प्रतिवेदन बुझाउने समयसीमा दिइएको छ ।
© 2026 All right reserved to onlinenepal.com
Design & Developed By
