काठमाडौं । भारतीय प्रधानमन्त्री नरेन्द्र मोदीले नेपालमा बाढि पहिरोले पुर्याएको क्षतिप्रति दुस्ख व्यक्त गर्दै आवश्यक सहयोग गर्न तयार रहेको बताएका छन् ।
प्रधानमन्त्री मोदीले आइतबार सामाजिक सञ्जाल एक्समार्फत एक सन्देश जारी गर्दै अहिलेको कठिन अवस्थामा सहयोग गर्न तयार रहेको बताएका हुन् ।
प्रधानमन्त्री मोदीले सामाजिक सञ्जाल ‘एक्स’ मार्फत लेखेका छन्- 'नेपालमा भारी वर्षाका कारण भएको जनहानि र क्षति अत्यन्त दुःखद छ। यस कठिन समयमा हामी नेपालका जनता र सरकारसँग ऐक्यबद्ध छौँ। मैत्रीपूर्ण छिमेकी र पहिलो प्रतिकारकका रूपमा भारत आवश्यक सहयोग उपलब्ध गराउन प्रतिबद्ध छ।'
देशभर वर्षा, बाढी र पहिरोका कारण जनधनको क्षति भएको बेला छिमेकी मुलुक भारतको तर्फबाट मोदीको यस्तो भनाइ आएको हो