काठमाडौं । राष्ट्रपति रामचन्द्र पौडेलकी पुत्री संज्ञा पोखरेलले समानुपातिकको बन्दसूचीबाट आफ्नो नाम फिर्ता लिएकी छन् ।
राष्ट्रपतिपुत्री संज्ञालाई प्रतिनिधिसभाको समानुपातिक सांसदका लागि कांग्रेसले निर्वाचन आयोगमा नाम पठाएको थियो । पोखरेलको नाम सूचीको ६२ औँ नम्बरमा रहेको थियो । उनको नाम सूचीमा परेसँगै राष्ट्रपति पौडेलको नाम जोडेर आलोचना भएको थियो ।
त्यसपछि उनले सोमबार आयोगमा पुगेर आफ्नो नाम फिर्ता लिएकी हुन् । नेपाल महिला संघको राजनीतिमा सक्रिय रहँदै आएकी संज्ञा कास्कीबाट प्रतिनिधित्व गर्छिन् ।
निर्वाचन आयोगले समानुपातिक बन्द सूचीबाट नाम फिर्ता लिन चाहनेलाई पुस २८को दिन तोकेको थियो ।