Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । फागुन ३० मा रिलिज हुने भनिएको नेपाली कथानक चलचित्र ‘नीरफूल’को रिलिज एकसाता पछाडी सरेको छ।
कला पत्रकारिताबाट सिनेमामा निर्देशकिय डेब्यू गर्न लागेका फूलमान वल निर्देशित ‘निरफूल’ अब चैत ७ मा रिलिज हुने भएको छ ।
यसअघि फागुन ३० मा रिलिज हुने बताइएको सिनेमाको रिलिज डेट एक साता पछि सरेको हो ।
नीरफूलले सर्वप्रथम भदौलाई रिलिज टार्गेट बनाएको थियो । उक्त मितिमा रिलिज हुन नसकेपछि सर्दा सर्दै चैतमा आइपुगेको हो । फागुन ३० गते अर्को नेपाली चलचित्र आउने भएका कारण नेपाली चलचित्रसँग नजुध्ने भन्दै निर्माण पक्षले ‘निरफूललाई पछाडि सरेको जनाएको छ ।
नेपाली चलचित्र क्षेत्रमा आपसी समझदारी र सहकार्यको संस्कार विकास होस् भन्ने सोच सहित चलचित्रलाई एक साता पछाडि सारिएको निर्देशक वलको भनाई छ । फागुनको ३० गते चलचित्र ‘म यस्तो गीत गाउँछु २’ रिलिजको तयारीमा रहेको छ ।
दयाहाङ राईको मुख्य भूमिका रहेको चलचित्र ‘नीरफूल’को ट्रेलर सार्वजनिक भइसकेको छ । मंगलबार एक कार्यक्रम गर्दै चलचित्रको ट्रेलर सार्वजनिक गरिएको हो । सार्वजनिक ट्रेलरमा भूकम्पका कारण आफ्नो सन्तान गुमाउनु परेको पिडालाई देखाइएको छ ।
ट्रेलरमा चलचित्रको मुख्य भूमिकामा रहेकी अभिनेत्री शान्ति वाइवा र अभिनेता बुद्धि तामाङलाई पनि स्थान दिइएको छ । आफ्नो हाराएको छोरी खोज्नको लागि दयाहाङ र शान्ति विभिन्न निकायसम्म पुगेको कुरालाई ट्रेलरमा देखाइएको छ ।
चलचित्रमा दयाहाङ, बुद्धि र शान्तिसँगै रेखा थापा, जिग्मे छ्योइकी, पुष्कर गुरुङ, राजन खतिवडा, सरिता गिरी, राजन खतिवडा, सरोज अर्याल, कृष्णभक्त महर्जन, रोशन फ्युबा लगायतको अभिनय छ । चलचित्रमा रेखा थापा भने अतिथि कलाकारको रुपमा प्रस्तुत भएकी छिन् ।
सचिन घिमिरे र निर्देशक वलले संयुक्त रुपमा लेखेको ‘नीरफूल’मा प्रमोद कार्कीको छायांकन तथा निमेश श्रेष्ठको सम्पादन रहेको छ ।
© 2026 All right reserved to onlinenepal.com
Design & Developed By
