काठमाडौं । विश्वका धेरै देशहरू कोरोना भाइरससँग संघर्ष गरिरहेका छन्।अहिले युरोपेली मुलुकमा तथ्यांक बढेर डरलाग्दो देखिएको छ।कोरोना भाइरस(कोभिड–१९) को संक्रमणबाट शुक्रबार मात्रै इटालीमा ६ सय २७ जनाको मृत्यु भएको छ भने थप ५ हजार ९ हजार ६ सय ८६ जनामा संक्रमण देखिएको एजेन्सीहरुले जनाएका छन् ।

शनिबार बिहानसम्म इटालीमा मृत्यु हुनेको संख्या ४ हजार ३२ पुगेको छ भने ४७ हजार २१ जना संक्रमित भएका छन् । स्पेनमा पनि मृत्यु हुनेको संख्या एक हजार नाघेको छ । स्पेनमा शुक्रबार ३ हजार ४ सय ३३ संक्रमित थपिएका छन् ।

शनिबार बिहानसम्म स्पेनमा मृत्यु हुनेको संख्या एक हजार ९३ पुगेको छ भने संक्रमितको संख्या २१ हजार ५ सय १० रहेको छ । फ्रान्समा पनि शुक्रबार मात्रै थप ७८ जनाको मृत्यु भएको छ भने ४ सय ५० जनामा संक्रमण देखिएको छ ।

फ्रान्समा अहिलेसम्म मृत्यु हुनेको संख्या ४ सय ५० पुगेको छ भने संक्रमितको संख्या १२ हजार ६ सय १२ जना संक्रमित भएका छन् । बेलायतमा , नेदरल्यान्ड्समा ,जर्मनीम, बेल्जियममा र स्विजरल्यान्डमा पनि मृत्युको संख्या बढेको छ ।-एजेन्सी