काठमाडौं । राष्ट्रिय पुनर्निर्माण प्राधिकरले भूकम्प पीडितहरुबाट परेका उजुरीहरुको अनलाइन सुनवाई थालेको छ ।

लामो दूरीका यातायातका साधन नचलेको अवस्थामा उजुरीकर्ताहरुलाई सहज होस् भनेर प्राधिकरण पुनरावेदन समितिले पुनरावलोनका लागि सोमबारबाट अनलाइन सुनवाई थालेको प्राधिकरणले जनाएको छ । सोमबार समितिको तीन सदस्यीय पूर्ण इजलासले नुवाकोटका ५० जना उजुरीकर्तासँग प्रत्यक्ष कुराकानी गरी सुनवाई गरेको छ ।

जिल्ला आयोजना कार्यान्वयन इकाइ (अनुदान व्यवस्थापन तथा स्थानीय पूर्वाधार) नुवाकोटको संयोजनमा ती उजुरीकर्ताले समितिसमक्ष आफ्नो उजुरीको बचाउ गरेका छन् ।

सुनुवाइको लागि विभिन्न जिल्लाबाट उजुरी दिएका व्यक्ति सिंहदरबार आउन नपरोस् र सुनुवाई पनि सहज होस् भनी प्रविधिको प्रयोग गरी अनलाइनबाट सुनवाई थालेको समिति सदस्य भीष्मराज कडरियाले बताए ।