काठमाडाैं । विराटनगरकाे कोशी अस्पताल कोभिड १९ उपचार केन्द्रमा विराटनगर महानगरपालिका-३ का ५७ वर्षका पुरुषको  कोरोना संक्रमणबाट मृत्यु भएको छ । मृतक पुरुष नेपाल विद्युत प्राधिकरण विराटनगर वितरण केन्द्रका प्राविधिक भएकाे र उनमा सोमबार कोरोना पोजेटिभ देखिएको थियाे ।

सोमबार कोशी अस्पताल हुँदै कोभिड-१९ उपचार केन्द्रमा भर्ना गरिएको थियो । सोमबार भर्ना भएका पुरुषको बुधबार बेलुका ४ बजे मृत्यु भएको कोभिड १९ उपचार केन्द्र विराटनगर प्रमुख डा. दीपक सिग्देलले बताए । मधुमेह तथा उच्च रक्तचापको बिरामी रहेका उनलाई कोरोना संक्रमण देखिएपछि श्वासप्रश्वासमा समस्या थियो । बुधबार बिहानसम्म उनको अवस्था सामान्य थियो । तर दिउँसो अवस्था गम्भीर बनेको थियो ।