काठमाडौं । नेपालमा आज साेमबार थप ७४३ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको संख्या ३२ हजार ६७८ पुगेको स्वास्थ्य तथा जनसंख्या मन्त्रालयले जनाएकाे छ ।

नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले नेपालमा पछिल्लाे २४ घण्टामा २४६ महिला र ४९७ पुरूष गरी ७४३ जनामा कोरोना भाइरसको संक्रमण पुष्टि भएको जानकारी दिए ।

उनका अनुसार पछिल्लो २४ घण्टामा थप १७५ जना कोरोना संक्रमण मुक्त भएका छन् । याेसँगै कोरोना संक्रमण मुक्त भई अस्पतालबाट डिस्चार्ज हुनेको संख्या १८ हजार ८०६ पुगेको छ ।

साेमबार थप ८ जनाकाे काेराेना संक्रमणबाट मृत्यु भएसँगै नेपालमा अहिलेसम्म कोरोना भाइरस संक्रमणबाट मृत्यु हुनेकाे संख्या १५७ स्वास्थ्य मन्त्रालयले पुष्टि गरेकाे छ ।