तनहुँ । अख्तियार दुरुपयोग अनुसन्धान आयोगले ५ हजार घूस रकमसहित कार्यालयका प्रमुखलाई पक्राउ गरेकाे छ ।
अख्तियारकाे टाेलीले नेपाल विद्युत प्राधिकरण तनहुँ वितरण केन्द्र आँबुखैरेनी शाखा कार्यालयका प्रमुख कृष्णबहादुर आलेमगरलाई ५ हजार घूस रकमसहित कार्यकक्षबाट रङ्गेहात पक्राउ पक्राउ गरिएकाे आयोगका सूचना अधिकारी मेघनाथ रिजालले बताए ।
‘सोमबार एउटा गाडीले ठक्कर दिएर आँबुखैरेनीस्थित सडक छेउको एउटा बिजुलीको पोल ढलाएको रहेछ’, अधिकारी रिजालले भने, ‘त्यही पोल मर्मतपश्चात् बिलबाहेक अतिरिक्त रकम मगरले मागेका रहेछन् । गाडीवालाले धेरै दिन नसक्ने भन्दै ५ हजार रुपैयाँ दिँदै गरेको अवस्थामा उनी समातिएका हुन् ।’ थप अनुसन्धान भइरहेकाे अख्तियारले जनाएकाे छ ।
Leave a Reply