दमौली । तनहुँमा राजसंस्थाका पक्षमा युवाहरूले मोटरसाइकल र्‍याली गरेका छन् ।

राजसंस्था तथा हिन्दू राज्यका पक्षधर युवाको एक समूह राष्ट्रवादी अभियान तनहुँले दमौलीमा शुक्रबार मोटरसाइकल र्‍याली गर्दै प्रदर्शन गरेको हो ।

तनहुँको दमौली, डुम्रे, थर्पु, दुलेगौंडालगायतका सहरबाट आएका युवाले नेपालको झण्डा बोकेका थिए । उनीहरुले राजसंस्थाको पुनर्वहाली तथा हिन्दु राज्यका पक्षमा नारा लगाएका थिए ।

दमौली अनशन चौतारीबाट सुरु र्‍याली बजारका विभिन्न भाग, भादगाउँ, हाइस्कूलटार हुँदै दमौलीमा आएर टुंगिएको थियो ।