Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
काठमाडौं । नेकपा एमालेका अध्यक्ष एवम् प्रधानमन्त्री केपी शर्मा ओलीले सबै पदाधिकारी खारेज गरेर एमालेको दशौं महाधिवेशनको मिति घोषणा गरेका छन् ।
ओलीले पार्टीमा महासचिव बाहेक सबै पदाधिकारीको पद खारेज गरेका छन् । माधव नेपाल र झलनाथ खनाल पक्षको बहुमत रहेको पदाधिकारी नै खारेज गरेका छन् ।
आज बालुवाटारमा बसेको केन्द्रीय कमिटी बैठकले आगामी मंसिर २ देखि ६ गतेसम्म दशौं महाधिवेशन गर्ने निर्णय गरेको हो ।
बैंठकले बागमती र सूदु्रपश्चिम प्रदेशको इन्चार्ज हेरफेर गरेको छ । नयाँ निर्णय अनुसार बागमती प्रदेशमा इन्चार्ज रहेकी अष्टलक्ष्मी शाक्यलाई हटाएर एमालेमा आएका माओवादी केन्द्रका नेता एवं गृहमन्त्री रामबहादुर थापा ‘बादल’ लाई इन्चार्ज बनाइएको छ भने सूदुरपश्चिम प्रदेशमा भीम रावललाई हटाएर लेखराज भट्टलाई जिम्मेवारी दिइएको छ ।
बैठकले बादलसहित २३ माओवादी नेता एमालेको केन्द्रीय सदस्यमा मनोनीत गरेको थियो ।
त्यस्तै, नेता प्रदीप ज्ञवालीलाई पार्टी प्रवक्ताको जिम्मेवारी दिएको छ ।
त्यसैगरी बैठकले सातै प्रदेशका इन्चार्ज र सहइन्चार्ज तोकेको छ। प्रदेश १ मा सुवास नेम्वाङ, प्रदेश २ मा सत्यनारायण मण्डल, बागमतीमा पूर्व माओवादीका तर्फबाट गृहमन्त्री रामबहादुर थापा ुबादलु, गण्डकीमा पृथ्वीसुब्बा गुरुङ, लुम्बिनीमा शंकर पोखरेल, कर्णालीमा मणि थापा र सुदूरपश्चिममा लेखराज भट्ट इन्चार्ज तोकिएका छन् ।
स्कूल विभाग प्रमुखको जिम्मेवारी ओली आफैंले लिएका छन् भने संगठन विभागको प्रमुखको जिम्मा विष्णु पौडेललाई दिएको छ। विदेश विभागको जिम्मेवारी डा। राजन भट्टराईले पाएका छन् ।
नेकपा विभाजनपछि ओली पक्षले बनाएका सबै कमिटी र जनसंगठनका नेतृत्वसमेत हाललाई यथावत रहने अध्यक्ष केपी शर्मा ओलीले बैठकमा जानकारी दिएका छन् ।
नेकपाको अब अर्को बैठक चैत ७ गते बस्ने भएको छ।
यसअघि २२० जनाको केन्द्रीय कमिटी रहेको एमालेमा अब माओवादीसँग एकता गर्दा मनोनित भएका ४२ जना स्वतस् केन्द्रीय सदस्य भएसँगै २६४ पुगेको छ।
© 2026 All right reserved to onlinenepal.com
Design & Developed By
