Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
काठमाडौं। आफ्नै श्रीमानलाई विषादीयुक्त खाना खुवाई हत्या गरेको अभियोगमा एक युवती पक्राउ परेकी छन्।
३२ वर्षीय विष्णु थापा मगरको विषादीयुक्त खाना खुवाई हत्या गरेको अभियोगमा सूर्यविनायक नगरपालिका-४ डेरा गरी बस्ने धादिङ साविक मुलपानी गाविस-२ घर भएकी २९ वर्षीय पार्वती थापा मगरलाई बुधबार प्रहरीले पक्राउ गरेको हो ।
बैदेशिक रोजगारबाट फर्केका बिष्णुले आफ्नै श्रीमती पार्वतीले पकाएको खाना खाँदा उकुस मुकुस भई अफ्ठ्यारो भएपश्चात तत्काल उपचारको लागि मध्यपुर अस्पताल भक्तपुर लगिएकोमा उपचारको क्रममा उनको मृत्यु भएको थियो ।
घटनाको थप अनुसन्धान गर्ने क्रममा मृतक बिष्णुको भिषेरा, घटनास्थलबाट उठाईएको खाना परीक्षण गर्दा उक्त खानामा किटनाषक बिषादी फेला परेको थियो ।
उक्त कार्यमा उनकै श्रीमती पार्वती संलग्न रहेको खुलेपछि महानगरीय प्रहरी वृत्त ठिमीबाट खटिएको प्रहरीले पार्वतीलाई उनकै कोठाबाट पक्राउ गरेको हो ।
यस सम्बन्धमा थप अनुसन्धान भइरहेको महानगरीय प्रहरी परिसर भक्तपुरले जनाएको छ ।
© 2026 All right reserved to onlinenepal.com
Design & Developed By
