बुटवल । नेपाली कांग्रेसका केन्द्रिय सदस्य प्रदीप पौडेलले प्रधानमन्त्री केपी शर्मा ओली पूर्ण रुपमा असफल भइसकेको दाबी गरेका छन्।

नेता पौडेलले ओलीविरुद्ध अविश्वासको प्रस्ताव ल्याउन ढिला गर्न नहुने बताए ।

लुम्बिनी प्रदेश कार्यलयले बुटवलमा आयोजना गरेको एक कार्यक्रमलाई सम्बोधन गर्दै पौडेलले ओलीलाई ‘श्री ३ जंगबहादुर’ बन्न खोजेको आरोप पनि लगाए ।

ओलीले देश निर्माण, नेपाली जनताको समस्याहरु समाधान गर्नुको साटो आफू र आफ्ना आसेपासेहरुलाई मात्र खुसी पारेको भन्दै पौडेलले भने,  ओलीमा अहंकार, दम्भ बढेको हुँदा उनको विकल्प नखोजे मुलुकमा अस्थिरताबढ्छ। नेता पौडेलले ओलीले मुलुकको संरचनाहरु सबै कब्जा गर्न खोजेको आरोप समेत लगाए।