काठमाडौं । त्रिभुवन विश्वविद्यालयले वैकल्पिक पद्दतिबाट परीक्षा लिनका लागि आवश्यक व्यवस्था मिलाउन सम्बन्धित सबै निकायलाई आग्रह गरेको छ ।

आज विश्वविद्यालयका उपकुलपति प्रा.डा.धर्मकान्त बास्कोटाले एक विज्ञप्ति जारी गर्दै रोकिएका परीक्षालाई वैकल्पिक विधिबाट लिन आग्रह गरेका हुन् ।

विज्ञप्तिमा उपकुलपति प्रा.डा.बास्कोटाले वैकल्पिक विधिबाट सुचारु भइरहेका कक्षालाई निरन्तरता दिन, सञ्चालन हुन बाँकी भएका कक्षा सुचारु गर्न र सम्पर्कमा नभएका विद्यार्थीलाई तत्काल आ-आफ्ना विभाग, क्याम्पस, स्कुल तथा डिन कार्यालयको सम्पर्कमा आउन समेत आग्रह गरे ।

‘अहिलेको समयमा स्वास्थ्य मापदण्ड अपनाएर सुरक्षित रहन र यस्तो आक्रान्त परिवेश, विषम परिस्थिति र संवेदनशील घडीमा ज्यान गुमाउनेहरूप्रति हार्दिक श्रद्धाञ्जली अर्पण गर्दै शोक सन्तप्त परिवारप्रति समवेदना प्रकट गर्छु,’ विज्ञप्तिमा भनिएको छ।

हेर्नुहोस् विज्ञप्ति :