लमजुङ । जिल्लाको मध्यनेपाल नगरपालिका वडा नम्बर ७ का ९ जना स्थानीयलाई डोजरबाट उद्धार गरिएको छ ।

मंगलबार खेत रोपाइँ गर्न गएका उनीहरू मिदिम खोलामा बाढी आएपछि बीचमै रोकिएका थिए । उनीहरूलाई बुधबार बिहान उद्धार गरिएको मेयर रमेशकुमार पाण्डेले जानकारी दिए ।

खोलाको बीच भागमा फसेका उनीहरूको उद्धारका लागि हेलिकप्टरलाई बोलाइए पनि खराब मौसमले जान नसकेपछि डोजरको सहायताबाट खोला तारिएको उनले बताए।

मेयर पाण्डेका अनुसार आज बिहान मिदिम खोलालाई डोजर लगाएर विभिन्न भंगालोमा पानी पठाएर स्थानीय ९ जनालाईउद्धार गरिएको हो।