काठमाडौं। तिब्बती धार्मिक नेता दलाई लामाको ८६ औं जन्मदिनको अवसर पारेर काठमाडौंका विभिन्न तिब्बती क्याम्पमा पूजापाठ गरिएको छ ।
नागार्जुन नगरपालिका–२ मा रहेको नाम्गेल स्कुलमा दलाई लामाको जन्म दिनको अवसरमा केक काटेर मनाइएको छ ।
तिब्बती क्याम्पमा भएको पूजापाठमा दलाई लामाका प्रतिनिधि अफिसका प्रमुख छुलटिम ग्यात्सोलगायत तिब्बती क्याम्प स्वयम्भूका अध्यक्ष कर्माग्याल्चोको समेत उपस्थिति रहेको थियो ।
बौध्दस्थित साम्देलिङ गुम्बामा पनि केक काटेर दलाई लामाको जन्मदिन मनाइएको छ ।
पहिला पहिला तिब्बती शरणार्थीहरुले नेपालको एक चीन नीतिलाई अप्ठ्यारो पार्दै जन्मदिनका नाममा आत्मदाह, जुलुसजस्ता अप्रिय घटना प्रदर्शन हुने गर्दथे ।
तर, अहिले भने जुलुस प्रदर्शन नगरिक संयमित भएर क्याम्पभित्रै पूजाआजा र केक काटेर जन्मदिन मनाइएको छ ।