काठमाडौं । प्रस्तावित लोकतान्त्रिक समाजवादी पार्टी (लोसपा) दर्ताका लागि १४ जना सांसदको हस्ताक्षर सनाखत भएको छ ।

बुधबार निर्वाचन आयोगमा अध्यक्ष महन्थ ठाकुर नेतृत्वको १४ जना सांसदको लोसपाका लागि हस्ताक्षर सनाखत भएको हो।

लोसपाका बरिष्ठ नेता राजेन्द्र महतोका अनुसार १४ सांसदको हस्ताक्षर सनाखत भएको छ। यसअघि १५ सांसदले हस्ताक्षर सनाखतका लागि निवेदन दिएकोमा १ जना अनुपस्थित भएपछि १४ जनाको मात्रै हस्ताक्षर भएको महतोले बताए।

यस्तै, लोसपाका लागि जसपाका १७ जना कार्यकारिणी समिति सदस्यले निर्वाचन आयोगमा पुगेर सनाखत गरेका छन् ।