काठमाडौं । त्रिभुवन अन्तर्राष्ट्रिय विमानस्थलमा एकैदिन २१ किलो सुन बरामद भएको छ। विदेशबाट फर्किनेहरूले ल्याएको बाला आकारको सुन भन्सारका कर्मचारीले बरामत गरेका हुन्।

कर्मचारीका अनुसार सोमबार खाडी मुलुकबाट फर्किनेहरूले बालाको स्वरूप बनाएर ल्याएका २१ किलो सुन नियन्त्रणमा लिइएको हो।

काँचो सुनलाई बाला आकारमा बनाएर ल्याएको हुनाले ४ सय १५ जनाको साथबाट २१ किलो सुन बरामद गरिएको त्रिभुवन अन्तर्राष्ट्रिय विमानस्थल भन्सार कार्यालयका प्रमुख भन्सार प्रशासक महेश भट्टराईले जानकारी दिए।

भट्टराईका अनुसार महसुल तिराएर मात्र सुन फिर्ता दिइएको छ। यसअघि बाला आकारको सुन भन्सार छुटमा ल्याउन दिए पनि अहिले विमानस्थल भन्सार कार्यालयले भन्सार महसुल लिन थालेको छ।