स्रोत नखुलेको ७० लाख नगदसहित दरबारमार्गबाट एक युवक पक्राउ

काठमाडौं । काठमाडौँको दरबारमार्गबाट स्रोत नखुलेको करिब ७० लाख रुपैयाँ नगदसहित एक जना पक्राउ परेका छन् ।

महानगरीय प्रहरी परिसर काठमाडौं र महानगरीय प्रहरी वृत्त दरबारमार्गको टोलीले ६९ लाख ५० हजार रुपैयाँसहित हिरोसी खनाललाई पक्राउ गरेको हो।

दरबारमार्गस्थित बिइङ ह्युमन कपडा पसलमा जाँच गर्दा समेत स्रोत नखुलेको उक्त रकम फेला परेपछि खनाललाई पक्राउ गरिएको प्रहरीको भनाइ छ।

पक्राउ परेका खनाललाई थप अनुसन्धानका लागि सम्पत्ति शुद्धीकरण तथा अनुसन्धान विभाग पठाइएको प्रहरीले जानकारी दिएको छ।

प्रतिक्रिया दिनुहोस्

नयाँ अपडेट