काठमाडौँ । पछिल्लो २४ घण्टामा थप २३६ जनामा कोरोना भाइरस सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार ११ हजार २३३ जनामा कोरोना परीक्षण गर्दा २३६ मा सङ्क्रमण पुष्टि भएको जनाइएको छ ।

यस्तै, पछिल्लो समय थप २७२ जना कोरोनाबाट निको भएर घर फर्किएका छन् । नेपालमा निको हुने दर ९८ प्रतिशत रहेको मन्त्रालयले जनाएको छ ।

यसैगरी, पछिल्लो २४ घण्टामा कोरोनाबाट थप २ जनाको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५७८ पुगेको छ ।

भक्तपुरमा १३, ललितपुरमा ३३ र काठमाडौं ७६ संक्रमित थपिएका छन्।