Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
विराटनगर । ३३ किलो सुन प्रकरणका मुख्य आरोपी चुडामणि उप्रेती ‘गोरे’का भाइ रमेश उप्रेतीलाई अदालत हाजिर गराइएको छ ।
मंगलबार काठमाडौंको त्रिभुवन विमानस्थलबाट पक्राउ परेका रमेशलाई मोरङ प्रहरीले बुधबार जिल्ला अदालत मोरङमा हाजिर गराएको हो ।
प्रहरी प्रधान कार्यालय स्रोतका अनुसार उनलाई दुबईबाट ल्याइएको हो । यद्यपि, प्रहरीले भने उनी एयर अरेबियाको विमानमार्फत् मंगलबार काठमाडौं आउँदै गरेको सूचनाका आधारमा विमानस्थलबाट पक्राउ गरिएको दाबी गरेको थियो।
साढे ३३ किलो सुन तस्करी र सनम शाक्य हत्याका आरोपी उनी युएईमा बस्दै आएका थिए ।२०७४ साल माघको पहिलो साता विमानस्थलबाट बाहिरिएको सुन गायव भएको थियो । सो प्रकरणमा गोरेको समूहले यातना दिँदा सनम शाक्यको ज्यानसमेत गएको थियो ।
उक्त प्रकरणमा जन्मकैदको सजाय पाएका चूडामणि ‘गोरे’लाई अदालतको पछिल्लो आदेश अनुसार १० वर्ष कैद र १३ लाख क्षतिपूर्ति गराउने फैसला भएको छ।
© 2026 All right reserved to onlinenepal.com
Design & Developed By
