काठमाडौं । पछिल्लो राजनीतिक घटनाक्रमबारे छलफल गर्न प्रमुख प्रतिपक्ष दल नेकपा (एमाले) संसदीय दलको बैठक आज बस्ने भएको छ ।

सोमबार बिहान ११ बजे नयाँ बानेश्वरस्थित संसद् भवनको ल्होत्से हलमा बैठक बस्न लागेको हो । बैठकमा मुख्यत: प्रधानन्यायाधीश चोलेन्द्रशमशेर जबराविरुद्ध दर्ता गराइएको महाअभियोग प्रस्तावका बारेमा छलफल हुने बताइएको छ ।

एमालेले महाअभियोग प्रस्तावको संसदीय प्रक्रियाबाट प्रतिवाद गर्ने समेत निर्णय गसिकेको छ ।

स्रोतका अनुसार एमालेले पनि संसद् पुनःस्थापनाको फैसला गर्ने न्यायाधीश र सभामुख अग्निप्रसाद सापकोटाविरुद्ध महाअभियोग प्रस्ताव ल्याउने तयारी गरेको छ ।

आइतबार प्रधानन्यायाधीश जबराविरुद्ध सत्ता गठबन्धनले महाअभियोगको प्रस्ताव दर्ता गरेको थियो ।