Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौँ । त्रिभुवन अन्तर्राष्ट्रिय विमानस्थलबाट भन्सार छली ल्याइएको सुनको सिक्री र ब्रासलेटसहित चार जना पक्राउ परेका छन्।
पक्राउ पर्नेमा धादिङ गंगाजमुना-६, बसेरीका २७ बर्षीय गणेश मल्ल, ईलाम चुलाचुली-२, तोरीवारीका २६ बर्षीय अर्जुन राई, सुर्खेत गुर्भाकोट-४, साहरेका ३४ बर्षीय भुपेन्द्र बिष्ट र सर्लाही धनकौल ६ का २५ बर्षीय महेन्द्र ठाकुर रहेका छन्।
विमानस्थल प्रहरीका अनुसार पक्राउ परेकामध्ये धादिङका मल्लबाहेक अन्य तीन जना मंगलबार कतार एयरवेजको उडानद्वारा कतारबाट काठमाडौँ आएका थिए । विमानस्थलमा उनीहरुको गतिविधि शंकास्पद देखिएकोले उनीहरुलाई विमानस्थलको अन्तर्राष्ट्रिय आगमन टनेल गेट मा नियन्त्रणमा लिई सोधपुछ गर्दा मल्लले भन्सार छली गर्न लगाएको हो भनी खुलेको थियो ।
उनीहरुमध्ये राई र बिष्टको साथबाट समान ७० ग्राम तौल भएकाएक एक वटा सिक्री र ठाकुरको साथबाट त्यति नै तौल भएको ब्रासलेट बरामद गरिएको प्रहरीले जनाएको छ।
पक्राउ परेका चारै जनालाई आवश्यक अनुसन्धान एवं कारबाहीको लागि त्रिभुवन विमानस्थल भन्सार कार्यालय, गौचरमा बुझाइएको प्रहरीले जनाएको छ।
© 2026 All right reserved to onlinenepal.com
Design & Developed By
