Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । शुक्रबार बिहानैदेखि काठमाडौँ उपत्यकाका मुख्य सडकहरुमा ठूलो संख्यामा सुरक्षाकर्मीहरुको उपस्थिति रहेको छ । पछिल्लो समय अमेरिकी सहयोग परियोजना एमसीसीविरुद्ध बिभिन्न पार्टीहरुले चरणबद्द आन्दोलन गरिरहेपछि सरकारले ठूलो संख्यामा सुरक्षाकर्मीहरुलाई सडकमा तैनाथ गरेको हो ।
एमसीसीविरुद्ध प्रदर्शन हुँदै आइरहेका ठाउँहरु मुख्यत: काठमाडौंको माइतीघर, नयाँ बानेश्वर चोक, कोटेश्वर, चाबहिल र लैनचौरलगायतका क्षेत्रमा सम्म ठूलो संख्यामा सुरक्षाकर्मीहरु तैनाथ रहेका छन्।
सरकारले आज बस्ने प्रतिनिधिसभा बैठकमा एमसीसी अनुमोदनको लागि टेवल गर्ने सम्भावना बढेको भन्दै विभिन्न पार्टीहरुले विरोधका कार्यक्रमहरु राखिएका हुन् । जसका कारण सुरक्षाका लागि सुरक्षाकर्मीहरु तैनाथ भएका हुन्।
यसअघि बुधबार पनि एमसीसीको विरोध गर्ने बिभिन्न पार्टीका कार्यकर्ता र सुरक्षाकर्मीबीच झडप भएको थियो । एमसीसी अनुमोदन गर्ने कुरामा सत्तारुढ दलबीच मतभेद रहेको छ । सत्ता पाँच दलमध्ये नेपाली कांग्रेस अहिलेकै अवस्थामा अनुमोदन गर्ने पक्षमा छ भने नेकपा (माओवादी केन्द्र), नेकपा एस (एकीकृत समाजवादी), जनता समाजवादी पार्टी, नेपाल र राष्ट्रिय जनमोर्चा संशोधन गरेर मात्र एमसीसी अनुमोदन गर्नुपर्ने अडानमा छन् ।
यता भर्खरै प्रधानमन्त्रीको निवास बालुवाटारमा बसेको गठबन्धनको बैठक बिना निष्कर्ष टुंगिएको बताइएको छ। जसका कारण आजको संसद बैठकमा पनि एमसीसी टेबुल हुने सम्भावना भने निकै कम रहेको छ।
© 2026 All right reserved to onlinenepal.com
Design & Developed By
