काठमाडौं । आजै बढुवा भएका नेपाल प्रहरीका तीन एआईजीको आजै पदस्थापन भएको छ । केन्द्रिय अनुसन्धान ब्यूरो (सीआईबी) मा रहेका एआईजी धीरजप्रताप सिंहलाई त्यहि पदस्थापन गरिएको छ भने एआईजी रबिन्द्रबहादुर धानुकलाई प्रशासन विभागमा पदस्थापन गरिएको छ ।

त्यसैगरी एआईजी बसन्तकुमार पन्तको प्रदेश समन्वय विभागमा पदस्थापन भएको छ ।

आज बालुवाटारमा बसेको मन्त्रिपरिषद बैठकले उनीहरुलाई एआईजीमा बढुवा गर्ने निर्णय गरेको थियो । मन्त्रिपरिषद्को निर्णय लगत्तै प्रहरी प्रधान कार्यालयमा आयोजित समारोहमा आईजिपी शैलेश थापा क्षेत्रीले उनीहरुलाई दर्ज्यानी चिन्ह लगाइदिएका थिए ।

यता, बढुवाविरुद्ध सर्वोच्च अदालतमा भने रिट दायर भएको छ । एआईजीहरुले फूली लगाइसकेपछि सर्वोच्चले २० गतेका लागि पेशी तोकेको छ । तर, एआईजीहरुको भने पदस्थापन समेत भइसकेको छ ।