सिन्धुली । ६ सय ट्याब्लेट नाइट्रोभेट लागुऔषध सहित एक युवक पक्राउ परेका छन् ।
पक्राउ पर्नेमा सर्लाहीको मलंगवा नगरपालिका–३ घर भएका १९ वर्षीय फुल महमद अन्सारी रहेका छन् ।
उनलाई सिन्धुलीको कमलामाई नगरपालिका–९ भिमानबाट लागुऔषध नाइट्रोभेट सहित प्रहरीले पक्राउ गरेको हो ।
बर्दिबासबाट काठमाडौंतर्फ आउँदै गरेको ना.१ ज ३८७४ नम्बरको सुमोमा सवार अन्सारीको साथबाट ६ सय ट्याब्लेट नाइट्रोभेट बरामद गरिएको जिल्ला प्रहरी कार्यालय सिन्धुलीले जनाएको छ ।