काठमाडौं । निर्वाचन आयोगले राजनीतिक दल तथा स्थानीय तहका उम्मेदवारहरूलाई मतदाता नामावली विवरण सशुल्क उपलब्ध गराउने भएको छ ।

आयोगले देशभर‚ प्रदेश‚ जिल्ला‚ पालिका र वडा स्तरमा लाग्ने मतदाता नामावलीको शुल्क क्रमशः ७ हजार‚ ५ हजार‚ ३ हजार‚ १ हजार र ५ सय रुपैयाँ निर्धारण गरेको हो ।

निर्वाचन आयोगका प्रवक्ता शालीग्राम शर्मा पौडेलले शुल्क बुझाएर राजनीतिक दलहरूले मतदाता नामावली विवरण आयोगबाट लिन पाउने व्यवस्था गरिएको जानकारी दिए ।

प्रवक्ता पौडेलले सोमबार नै निर्वाचन आयोगको उच्चस्तरीय निर्वाचन सुरक्षा समितिको बैठक बसेको जानकारी दिए । उनका अनुसार सुरक्षा हेर्ने आयुक्त ईश्वरीप्रसाद पौडेलको संयोजकत्वमा बैठक बसेको बताए ।