काठमाडौं । निर्वाचन आयोगले ७१ जना निर्वाचन अधिकृतलाई हटाए फेरि ७१ जनालाई नियुक्त गरेको छ ।

आयोगले आगामी वैशाख ३० गतेका लागि तय भएको स्थानीय तहको निर्वाचनमा खटाइने निर्वाचन अधिकृतको सूची संशोधन गरेको हो ।

आयोगले बुधबार एक सूचनामार्फत विभिन्न कारणले ७१ जनालाई हटाउनु परेको उल्लेख गरेको छ । उनीहरूलाई बुधबारदेखि नै लागू हुने गरी हटाइएको आयोगले जनाएको छ ।

नियुक्तिका लागि तोकिएका निर्वाचन अधिकृतलाई चैत २९ गतेभित्र नै तोकिएको स्थानमा हाजिर हुन पनि आयोगले निर्देशन दिएको छ ।