काठमाडौं । निर्वाचन आयोगले‍ फेरि दुईजना निर्वाचन अधिकृतलाई हटाएको छ ।

आयोगले शुक्रबारदेखि नै लागु हुने गरी बैतडी र सप्तरीका दुई गाउँपालिकामा यसअघि खटाइएका निर्वाचन अधिकृतलाई हटाएको हो ।

उनीहरूको ठाउँमा नयाँ अधिकृत नियुक्त गरेको छ । आयोगले सप्तरीको विष्णुपुर गाउँपालिकामा खटाइएका प्रकाशप्रसाद पोखरेललाई हटाएर उनको ठाउँमा यादवप्रसाद न्यौपानेलाई नियुक्त गरेको छ ।

यस्तै बैतडीको डिलासैनी गाउँपालिकामा निर्वाचन अधिकृतका रूपमा खटाइएका लोकबहादुर लोपचनलाई हटाएर उनको ठाउँमा विष्णुदत्त भट्टलाई पठाएको छ ।