Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । महानगरिय प्रहरी परिसर काठमाडौंले अस्पतालबाट फरार भएका थुनुवालाई सात दिनपछि पक्राउ गरेको छ । जबर्जस्ती करणी मुद्दामा केन्द्रीय कारागार जगन्नाथ देवलमा थुनामा रहेका राजेश तिरुवा सात दिन अघि वीर अस्पतालबाट फरार भएका थिए ।
प्यारालाइसिस भएको भन्ने बहाना बनाई उपचारको लागि वीर अस्पताल पुगेका तिरुवा चैत २९ गते राती अस्पतालबाट फरार भएका थिए ।
साबिक कुञ्चोक गाबिस–६ हाल परिवर्तित इन्द्रावती गाउँपालिका–३ कुञ्चोक करमडाँडा, सिन्धुपाल्चोक घर भएका भक्तबहादुर कामीको छोरा वर्ष ४५ को राजेश तिरुवा उपचारका क्रममा वीर अस्पतालबाट फरार भएका थिए ।
फरार भएको सूचना पाउनासाथ खोजीमा जुटेको महानगरिय प्रहरी परिसरको विशेष टोलीले आज उनलाई सात दिनपछि बुढानीलकण्ठ नगरपालिका–१२ स्थित राधाकृष्ण मन्दिर नजिकबाट पक्राउ गरेको हो ।
पक्राउ परेका तिरुवालाई थप अनुसन्धान तथा आवश्यक कारबाहीको लागि केन्द्रीय कारागार जगन्नाथ देवल काठमाडौंमा पठाइएको परिसरले जनाएको छ ।
© 2026 All right reserved to onlinenepal.com
Design & Developed By
