काठमाडौं । चितवनको भरतपुर महानगरपालिकामा सत्ता गठबन्धनबाट माओवादी केन्द्रकी उम्मेदवार रेनु दाहाल पुनः अगाडि लागेकी छिन् ।

यसअघि एमाले उम्मेदवार विजय सुवेदीसँग पछाडि परेकी रेणु पछिल्लो परिणामअनुसार ३ मतले अग्रता लिएकी हुन् ।

१० हजार २०६ मत गणना हुँदा मेयरका उम्मेदवार दाहालले ३५७८ र सुवेदीले ३५७५ मत प्राप्त गरेका छन्। त्यस्तै कांग्रेसका बागी उम्मेदवार जगन्नाथ पौडेलले १३६० मत पाएका छन्।

उपमेयरतर्फ कांग्रेसका चित्रसेन अधिकारीले ४०४३ मत पाएका छन् भने राप्रपाकी हिमला गुरुङले २८१६ मत पाएकी छन् ।