इरानमा बाढीले बगाउँदा २४ जनाको मृत्यु, १९ बेपत्ता

एजेन्सी । इरानको राजधानी तेहरान नजिकै दुई दिनदेखि आएको बाढीका कारण कम्तीमा २४ जनाको मृत्यु भएको छ भने अन्य १९ जना अझै बेपत्ता भएका छन् ।

पश्चिममा इमामजादेह दाउद गाउँ र तेहरानको पूर्वमा फिरौजकौह, रौदेहेन र दामाभान्ड क्षेत्रहरूमा भारी वर्षा र बाढीका कारण २४ जनाको मृत्यु भएको हो ।

बाढीमा हराइरहेका १९ जनाको खोजी भइरहेको रेड क्रेसेन्टको विज्ञप्तिमा उल्लेख छ ।

इरानको सामान्यतया सुख्खा दक्षिणी क्षेत्रमा आएको बाढीले २२ जनाको ज्यान गएको एक साताभन्दा कम समयपछि तेहरान नजिकैको अल्बोर्ज पहाडको फेदमा बाढी आएको हो ।

प्रतिक्रिया दिनुहोस्

नयाँ अपडेट