Jul 26 2026 | २०८३, श्रावण १० गते
26 Jul 2026 | आइतवार, श्रावण १० गते २०८३
आइतवार, श्रावण १० गते २०८३
Jul 26 2026 | २०८३, श्रावण १० गते
26 Jul 2026 | आइतवार, श्रावण १० गते २०८३
विराटनगर । कोसी अस्पताल कोभिड-१९ उपचार केन्द्रबाट फरार भएका लेनदेन प्रतिवादीलाई प्रहरीले ३९ घण्टापछि पक्राउ गरेको छ।
विराटनगर महानगरपालिका १८ झटियाई घर भएका ४५ वर्षीय लक्ष्मण दास तत्मालाई पक्राउ गरिएको हो । दास बुधबार राति १० बजेतिर अस्पतालबाटै फरार बनेका थिए।
फरार बनेका दासलाई इलाका प्रहरी कार्यालय रानीको टोलीले शुक्रबार दिउँसो विराटनगर-१४ कटुप्पामा लुकिछिपी बसेको अवस्थामा पक्राउ गरेको हो ।
दासलाई लेनदेन मुद्दामा मोरङ जिल्ला अदालतले २०७६ साल वैशाख २९ गते दोषी ठहर गर्दै ६ महिना कैद सजायको फैसला सुनाएको थियो। सजाय भुक्तान नगरिकन तीन वर्षदेखि फरार रहेका उनलाई प्रहरीले साउन २० गते पक्राउ गरेको थियो ।
पक्राउ गरेर अदालतमा बुझाउनुअघि कोरोना परीक्षण गराउँदा रिपोर्ट पोजिटिभ आएसँगै उपचारका लागि कोभिड अस्पतालमा भर्ना गरिएको थियो। प्रहरीको निगरानीमा उपचार गराइरहेका दास शौचालय जाने बहानामा अस्पतालबाटै फरार बनेका थिए
© 2026 All right reserved to onlinenepal.com
Design & Developed By
