लागुऔषधसहित निजगढका २ जना पक्राउ

बारा । निजगढ नगरपालिका–८ बाट २ जनालाई लागुऔषधसहित प्रहरीले पक्राउ गरेको छ ।

जिल्ला ट्राफिक प्रहरी कार्यालय बाराले चेकजाँच गर्ने क्रममा २४ वर्षीय सुजल लामा र ३९ वर्षीय सन्तबहादुर लामालाई लागुऔषधसहित पक्राउ गरेको हो ।

ट्राफिक प्रहरीले प्रदेश–२–०३–०१३ प ९४४६ नम्बरको स्कुटर चेकजाँच गर्दा डाइजेपाम, फेनारागन र नेफिन गरी जम्मा २६–२६ थान बरामद गरेको छ ।

जिल्ला ट्राफिक प्रहरी कार्यालयले थप अनुसन्धानका निम्ति उनीहरूलाई ईलाका प्रहरी कार्यालय निजगढलाई बुझाएको र थप अनुसन्धान भइरहेको प्रहरीले जनाएको छ ।

प्रतिक्रिया दिनुहोस्

नयाँ अपडेट