काठमाडौं । कपिलवस्तुमा कुलोको विषयमा विवाद र कुटपिट हुँदा एक जनाको मृत्यु भएको छ ।

जिल्लाको महाराजगञ्ज नगरपालिका–२ पडरियाका ६८ वर्षका अब्दुल जब्बार धुनियाको कुटपिटबाट मृत्यु भएको प्रहरीले जनाएको छ ।

जिल्ला प्रहरी कार्यालय कपिलवस्तुका अनुसार स्थानीय अब्दुल हक मुसलमान र उनका छोरा २० वर्षको सम्सुद मुसलमानले धुनियालाई कुटपिट गरेका थिए ।

कुटपिटबाट घाइते धुनियाको तौलिहवा अस्पतालमा उपचारको क्रममा मृत्यु भएको छ । घटनामा संलग्न बाबु छोरालाई नियन्त्रणमा लिई अनुसन्धान भइरहेको कपिलवस्तु प्रहरीले जनाएको छ ।