Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
काठमाडौं । हाल मनसुनको न्यून चापीय रेखा सरदर स्थानभन्दा केही उत्तरतर्फ अवस्थित रहेको छ । हाल देशैभरी आंशिकदेखि सामान्य बदली रही लुम्बिनी, कर्णाली र सुदूरपश्चिम प्रदेशका थोरै स्थानहरुमा हल्कादेखि मध्यम वर्षा भइरहेको छ ।
पछिल्लो २ घण्टामा कञ्चनपुर र कैलालीको केही स्थानमा भारी वर्षा मापन भएको र थप वर्षा हुने जल तथा मौसम विज्ञान विभागअन्तर्गतको बाढी पूर्वानुमान महाशाखाले जनाएको छ।
भारी वर्षाका कारण मोहना मालाखेतीमा जलसतह सतर्कता तहसम्म पुगेको छ भने कान्द्रा, मोहना, खुटियालगायत साना खोलाहरुमा आकस्मिक बाढी आउनका साथै होचा ठाउँमा डुबान हुन सक्ने महाशाखाले उल्लेख गरेको छ। महाशाखाले बिहान ८ बजेसम्म त्यस आसपासका क्षेत्रका बासिन्दालाई सतर्क रहन आग्रह गरेकोछ।
सोमबार दिउँसो देशभर आंशिकदेखि सामान्य बदली रहनेछ। देशका केही स्थानहरूमा मेघ गर्जनरचट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ।
सुदूरपश्चिम र लुम्बिनी प्रदेशका एक/दुई स्थानमा भारी वर्षाको सम्भावना रहेको छ। नदी, नाला तथा खहरे खोलाहरूमा पानीको सतह बढ्नसक्ने र दैनिक जनजीवन प्रभावित हुनसक्ने भएकाले आवश्यक सतर्कता अपनाउन विभागको आग्रह छ ।
© 2026 All right reserved to onlinenepal.com
Design & Developed By
