काठमाडौं । लोकतान्त्रिक समाजवादी पार्टी नेपाल र सत्ता गठबन्धन पुनः छलफल सुरु भएको छ ।

प्रधानमन्त्रीको सरकारी निवास बालुवाटारमा लोसपा र गठबन्धनबीच छलफल भइरहेको छ । लोसपाका नेताहरुले एक चरण आज दिउँसो कुराकानी गरेका थिए ।

गठबन्धनसँगको छलफलपछि बबरमहलस्थित पार्टी कार्यालयमा आन्तरिक छलफल सकेर लोसपाका नेताहरु बालुवाटार पुगेका छन् ।

लोसपाको आन्तरिक बैठकले सिटमा मोटामोटी एउटा समझदारी बनाएर गठबन्धनसँग वार्ता गर्ने तयारी गरेको छ ।

बैठकमा सहभागी एक नेताका अनुसार मधेश प्रदेशमा १५ सिटको माग गर्ने लोसपाको तयारी रहेको छ ।

सत्ता गठबन्धन र सरकार दुवैतिर सहभागिता जनाएको जसपाले सत्ता गठबन्धनमा सिट संख्याको बार्गेनिङ नमिलेपछि एमालेसँग वार्ता थालेको थियो । त्यससँगै लोसपा नेताहरु गठबन्धनका दलहरुसँग वार्ता गर्न बालुवाटार पुगेका थिए ।