Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
काठमाडौं । कागजको कार्टुन बक्समा सुनको लेपन लगाएर तस्करी गरेको आरोपमा भारतीय नागरिक पक्राउ पक्राउ परेका छन् ।
दुबईबाट नेपाल एयरलाइन्सको विमानमार्फत कात्तिक ८ गते काठमाडौं आएका ३९ वर्षीय भारतीय नागरिक मोहम्मद कसिम पक्राउ परेका हुन् ।
त्रिभुवन अन्तर्राष्ट्रिय विमानस्थल सुरक्षा कार्यालयले उनलाई पक्राउ गरेको हो । उनी पक्राउ परेको घटनाबारे बिहीबार मात्रै कार्यालयले सार्वजनिक गरेको हो।
उनले बोकेको कार्टुन बक्समा शंका लागेर च्याती हर्दा कागजको पत्रभित्र सुनको लेपन गरिएको फेला परेको विमानस्थल सुरक्षा कार्यालयले जनाएको छ । उक्त कार्टुनको तौल २ किलो ३५० ग्राम थियो । यस्तै कसिमले मलद्वारमा पनि सुन लुकाएर ल्याएका थिए । उनलाई शौच गराउँदा थप सुन बरामद भएको प्रहरीले जनाएको छ।
उनले सुनलाई अर्धठोस बनाएर दुई वटा पोका लुकाएर ल्याएका थिए । उक्त धातुको तौल ३३१ ग्राम रहेको प्रहरीले जनाएको छ।
नेपाल सुनचाँदी व्यवसायी महासंघले धातुको परीक्षण गर्दा कार्टुनलाई गलाएपछि सुनको तौल ४२९.८२० ग्राम र दुई वटा पोकालाई गलाएपछि सुनको तौल २५०.८५० ग्राम भएको छ ।
विमानस्थल सुरक्षा कार्यालयका अनुसार उनीबाट जम्मा सुन ६८०.६७० ग्राम बरामद भएको हो । उनलाई पक्राउ गरी अनुसन्धान गर्न प्रहरीले त्रिभुवन विमानस्थल भन्सार कार्यालय, गौचरमा बुझाइएको छ ।
© 2026 All right reserved to onlinenepal.com
Design & Developed By
