एजेन्सी । अमेरिकी राष्ट्रपति जो बाइडेनले र चीनका राष्ट्रपति सि जिनपिङ बिच भेटवार्ता हुने भएको छ ।

ह्वाइट हाउसका अनुसार दुई राष्ट्रपतिबीच इन्डोनेसियाको बालीमा हुने जी २० शिखर सम्मेलनमा आगामी सोमबार भेटवार्ता हुने भएको छ ।

अमेरिकाले आगामी शिखर सम्मेलनलाई चीनसँग बिग्रेको सम्बन्ध सुधार्न उपयोग गर्ने नीतिअनुरुप राष्ट्रपति सिसँग भेटवार्ता गर्न लागेको बताइएको छ ।

भेटमा दुई मुलुकबीचको सम्बन्ध, अन्तर्राष्ट्रिय परिस्थिति र साझा चासोका विषयमा छलफल हुने विज्ञप्तिमा उल्लेख छ ।