एजेन्सी । चिनियाँ राष्ट्रपति सी चिनफिङ र अमेरिकी राष्ट्रपति जो बाइडेनले सोमबार बधाई सन्देश आदानप्रदान गरेका छन् ।
उनीहरुले दुई देशबीचको कूटनीतिक सम्बन्ध स्थापना भएको ४५ औँ वर्षगाँठको उपलक्ष्यमा बधाई सन्देश आदानप्रदान गरेका हुन् ।
चिनियाँ राष्ट्रपति सीले सन्देशमा चीन अमेरिकाबिचको कूटनीतिक सम्बन्ध स्थापनामा अन्तर्राष्ट्रिय सम्बन्धको इतिहासमा ठूलो घटना भएको बताए ।
राष्ट्रपति सीले भने, “चीन–अमेरिका सम्बन्धले ४५ औ वर्ष पार गरेको छ । कुटनैतिक सम्बन्धले दुई देशका जनताको हित तथा विश्व शान्ति, स्थायित्व र समृद्धिलाई समेत प्रवद्र्धन गरेको छ ।”
राष्ट्रपति सीले चीन र संयुक्त राज्य अमेरिकालाई राष्ट्रले हासिल गरेको सााझा तथा नतिजालाई कार्यान्वयन गर्न र चीन–अमेरिकाको स्थिर, स्वस्थ र दिगो विकासको प्रवर्द्धन गर्न ठोस कदम चाल्न आह्वान गरे ।
Leave a Reply