काठमाडौं । नेपाल क्रिकेट सङ्घ (क्यान) ले तीन एक दिवसीय सिरिजका लागि नेपाली टोलीको घोषणा गरेको छ ।
संयुक्त अरव इमिरेट्स (यूएई)विरुद्ध घरेलु मैदानमा हुने खेलका लागि शुक्रबार साँझ क्यानले रोहित कुमार पौडेलको कप्तानीमा १६ सदस्यीय टोली घोषणा गरेको हो ।
टोलीमा पूर्व कप्तान ज्ञानेन्द्र मल्ल, करन केसी, सोमपाल कामी, कुसल भुर्तेल, आरिफ शेख, ललित राजवंशी, दिपेन्द्र सिंह ऐरी रहेका छन् ।
यस्तै आशिफ शेख, भिम सार्की, कमल सिंह ऐरी, सागर ढकाल, हरिशंकर साह, आदिल आलम, अर्जुन साउद र गुल्सन झा पनि टोलीमा परेका छन् । भने यसअघि केन्या भ्रमणमा टोलीमा परेका सन्दीपसँगै देव खनाल, पवन सर्राफ, साहव आलम, किशोर महतो, विवेक यादव र वसिर अहमद टिमबाट बाहिरिएका छन् ।
नेपालले आगामी साता तीन एकदिवशीय सिरिज खेल्दैछ । त्रिवि क्रिकेट मैदानमा पहिलो खेल सोमबार हुनेछ ।
Leave a Reply