अनलाइन नेपाल
काठमाडौं । गुल्मी क्षेत्र नम्बर २ बाट प्रतिनिधिसभा सांसदका लागि उम्मेदवार नेकपा एकीकृत समाजवादीकी सचिव रामकुमारी झाँक्री पराजित भएसँगै पार्टीका जिल्ला अध्यक्षले राजीनामा दिएका छन् ।
झाँक्री नेकपा एमालेका उम्मेदवार गोकर्ण विष्टसँग पराजित भएपछि अध्यक्ष श्रीराम महतले राजीनामा दिएका हुन् ।
उनले समाजिक सञ्जाल फेसबुकमा एक स्टाटस जारी गर्दै आफूले नैतिकताका आधारमा राजीनामा दिएको जानकार दिएका छन् । ‘गुल्मी क्षेत्र नम्बर २ मा भएको पराजयको नैतिक जिम्मेवारी लिँदै पार्टी जिल्ला अध्यक्ष पदबाट राजीनामा गरेको जानकारी गराउँदछु,’ उनले लेखेका छन् ।
गुल्मी क्षेत्र नम्बर २ मा बिष्टले २८ हजार ४७६ मत पाउँदा झाँक्रीले २६ हजार ४४२ मत पाइन् ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
